👉 ដោយមានការចង្អុលបង្ហាញពីសំណាក់ លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលពីសំណាក់លោក ម៉ៅ ស៉ីណា ព្រះរាជអាជ្ញារងអមសាលាដំបូងខេត្តតាកែវ
---------------------------
👮 អធិការដ្ឋាននគរបាលស្រុកព្រៃកប្បាស ៖ ថ្ងៃទី១៥ ខែតុលា ឆ្នាំ២០២៥ វេលាម៉ោង២៣និង៣០នាទី នៅចំណុចក្នុងផ្ទះសំណាក់យីហោ រស្មីពេជ្រ ស្ថិតក្នុងភូមិព្រៃល្វាលិច ឃុំព្រៃល្វា ស្រុកព្រៃកប្បាស ខេត្តតាកែវ មានករណីអំពើលួច (លួចម៉ូតូ) កើតឡើង បង្កដោយជនសង្ស័យចំនួន០៣នាក់៖
១.ឈ្មោះ យ៉េប ណាវី ហៅដា ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិចាមក្រោម ឃុំព្រែកថ្មី ស្រុកកោះធំ ខេត្តកណ្តាល (មុខសញ្ញាលួចសកម្មនៅខេត្តកណ្តាល)
២.ឈ្មោះ ចេវ ម៉េងស៊ីង ហៅវីត ភេទប្រុស អាយុ១៦ឆ្នាំ មុខរបរមិនពិតប្រាកដ រស់នៅភូមិជំនីកខាងត្បូង ឃុំកំពង់រាប ស្រុកព្រៃកប្បាស ខេត្តតាកែវ
៣.ឈ្មោះ គឹម រចនា ភេទស្រី អាយុ១៧ឆ្នាំ មុខរបរមិនពិតប្រាកដ រស់នៅភូមិកំពង់សំបួរលើ ឃុំព្រែកថ្មី ស្រុកកោះធំ ខេត្តកណ្តាល
ជិះម៉ូតូ០១គ្រឿង ម៉ាកហុងដាស៊ីស៊ូគី និច ពណ៌លឿង លាយ ស សេរីឆ្នាំ២០១៨ ពាក់ផ្លាកលេខ ភ្នំពេញ 1CM-5567 មកចូលដេកផ្ទះសំណាក់យីហោ រស្មីពេជ្រ រួចធ្វើសកម្មភាពលួច ម៉ូតូមួយគ្រឿងម៉ាកហុងដា ឌ្រីមសេ១២៥ ពណ៌ខ្មៅ សេរីឆ្នាំ២០២៥ ពាក់ផ្លាកលេខ តាកែវ 1AF.7366 របស់ម្ចាស់ឈ្មោះ ពុធ តុលា ភេទ ប្រុស អាយុ២៣ឆ្នាំ មុខរបរបុគ្គលិកក្រុមហ៊ុន រស់នៅភូមិបពល ឃុំព្រៃរំដេង ស្រុកគីរីវង់ ខេត្តតាកែវ ខណៈពេល ដែលម្ចាស់ទុកម៉ូតូនៅមុខបន្ទប់ ហើយចូលដេកក្នុងបន្ទប់ផ្ទះសំណាក់។ ពេលកំពង់ធ្វើសកម្មភាព ម្ចាស់ផ្ទះសំណាក់ក៏មកទាន់ ហើយក្រុមជនសង្ស័យក៏បានចូលទៅក្នុងបន្ទប់ដែលជួលដេកវិញ បន្ទាប់មកម្ចាស់ផ្ទះ សំណាក់ក៏បានចាក់សោរទុកនិងរាយការណ៍មកសមត្ថកិច្ច។
ក្រោយពីទទួលបានព័ត៌មាន លោកវរសេនីយ៍ឯក ឡេង ប៊ុនឡុង អធិការនគរបាលស្រុកព្រៃកប្បាស បានដឹកនាំកម្លាំងជំនាញអធិការដ្ឋាន និងកម្លាំងប៉ុស្តិ៍នគរបាលរដ្ឋបាលព្រៃល្វា ចុះដល់កន្លែងកើតហេតុ រួចធ្វើការឃាត់ខ្លួនជនសង្ស័យទាំង០៣នាក់ខាងលើ រួមជាមួយវត្ថុតាង យកមកអធិការដ្ឋាននគរបាលស្រុកព្រៃកប្បាស ដើម្បីសាកសួរ និងកសាងសំណុំរឿងតាមនីតិវិធី។ដោយមានការឯកភាពពី លោកព្រះរាជអាជ្ញារង កម្លាំងយើងបានប្រគល់ម៉ូតូអោយទៅម្ចាស់ដើមវិញ៕
ក្នុងនាម អធិការ នៃអធិការដ្ឋាននគរបាលស្រុកព្រៃកប្បាស សូមអំពាវនាវដល់បងប្អូនប្រជាពលរដ្ឋមេត្តាចូលរួមសហការផ្តល់ព័ត៌មាន រាល់បទល្មើស ដែលកើតឡេីងដេីម្បីសមត្ថកិច្ចមានចំណាត់ការទាន់ពេលវេលា សូមរាយការណ៍មកទូរស័ព្ទលេខ ☎️097 7780068🚔 សូមអរគុណ
